‘Di vê pêvajoyê de yekîtî pêwîst e’

Jinên navçeya Dirbêsiyê ya kantona Hesekê, tekez kirin ku di rewşa niha de pêwîstî bi yekîtiya Kurdan heye. Jinan bang li partiyên kurdî kirin ku ji bo rizgarkirina 4 parçeyên Kurdistanê yekîtiyê pêk bînin.

Jinên navçeya Dirbêsiyê ya kantona Hesekê, girêdayî avabûna yekîtiya Kurd ji ajansa me re axivîn.

Jinan bang li partiyên siyasî kir ku bibin yek û ji bo berjewendiyên gelê Kurd bixebitin.

Şêniya bi navê Foze Umer got: "Li gel gefên dewleta dagirker a Tirk, divê her kes bi taybet partiyên kurdî bibin yek û demildest kongreya yekîtiyê lidar bixin. Divê partiyên Kurd bi yek dengî û nêrînê li hember dagirkeriyê bisekinin û destkeftiyên ku dagirkerî hewl dide îmha bike, biparêzin."

Şêniya bi navê Sîham Elî, partiyên kurîd yên lidarxistina Kongreya Neteweyî ya Kurdistanê û yekîtiya refa kurdî napejirînin bi dijminatiya gelê Kurd û îxanetê bi nav kir.

Sîham îşaret pê kir ku hin partiyên Kurd ên mîna ENKS’ê nikarin parastina doz û gelê xwe bikin û wiha got: “Ew tenê li pey berjewendiyên şexsî ne. Ew razîne ku dijmin komkujiyan li ser gelê Kurd pêk bîne. Ji lew re divê li xwe vegerin û li gel partiyên Kurd ên ji bo berjewendiyên gelê Kurd dixebitin, bisekinin."

Şêniya bi navê Şerîvan Mihemed jî wiha axivî: “Em bang li yekîtiya Kurd dikin. Ji ber ku di pêvajoya niha de yekîtî pêwîst e. Divê partiyên Kurd jî xebata ji bo nexşekirina stratejiya nû û rizgarkirina 4 parçeyên Kurdistanê, bimeşînin."

(fr/bm)

ANHA


Mijarên Din