‘Divê gelê herêmê pêşî li hişmendiya DAIŞ’ê bigre’

Şêx êla El-Tirkman Esad El-Beşîr got: “Pêwîste gel bi hêzên ewlekariyê re bibin yek. Da ku rê nedin hindek şaneyên ku hewl didin ewlehiya herêmê xirab bikin. Divê rê li pêşiya vejandina fikrê DAIŞ`ê yê tundraw bigirin."

Şêx êla El-Tirkman Esad El-Beşîr diyar kir ku divê tevahiya gelên Bakur û Rojhilatê Sûriyê ji kiryarên şandeyên veşartî yên DAIŞ’ê hişyar û balder bin. El- Beşîr got: “Ev şane berjewendiyên ajandeyên derve pêk tînin û ewlehiya herêmê xirab dikin.”

 `Fikrê DAIŞ`ê fikrek tundrew e û dûrî Islamê ye`

El- Beşîr destnîşan kir ku divê gelên herêmê hişmendiya tundrew a ku DAIŞ`ê li dûv xwe hiştiye tune bikin û wiha axivî: “Ji ber ku fikrek terorîst e û dûrî Islamê ye. DAIŞ`ê bi hişmendiya xwe sivîl kuştin, tirs û xof di dilê wan de çandin".

El-Beşîr got: “Pêwîste gel bi hêzên ewlekariyê re bibin yek. Da ku rê nedin hindek şaneyên ku hewl didin ewlehiya herêmê xirab bikin. Divê rê li pêşiya vejandina fikrê DAIŞ`ê yê tundraw bigirin."

El-Beşîr bal kişand ser desteka ku Tirkiye bi çeteyan re dike û wiha axivî: “Êdî ji cîhanê re xuya bû ku alîkariyê mezin ê terorê dewleta Tirk e. Tirkiyê derbasbûna terorîstan a ji xaka Sûriyê re hêsan kir. Ev tişt kesên xwe radestî QSD`ê kirine jî eşkere kirin."

`Êlên herêmê dê awayên tunekirina şaneyên veşratî nîqaş bike`

Di berdewama gotinên xwe de El-Beşîr eşkere kir ku êlên Bakur û Rojhilatê Sûriyê amadekariyên lidarxistina komxebata rûspiyên êlan li Sûriyê dike. El- Beşîr got: “Da ku rewşên herêmê, awayên tunekirina şaneyên veşartî yên li herêmê û hişyarkirina civakê ji xeteriya wan nîqaş bikin."

El-Beşîr wiha pê de çû: "Êdî bes e ewqas wêrabûna ku komên terorîst bi Sûriyê kirine. Diviybû em karûbarên welatê xwe nîqaş bikin. Em hewl bidin aloziya ku derbasî sala xwe ya 8`an bûye çareser bikin."

Armanc şaneyên veşartî

El-Beşîr destnîşan kir ku armanc livandina şaneyên veşartî pêkanîna ajandeyên xwe yên derve ye. El- Beşîr wiha domand: “Yanî ji cîhanê re xuya bikin ku herêmên Bakur û Rojhilatê Sûriyê ne ewle ne. Berovajî wê bi saya QSD`ê herêm ewle ye û gelên herêmê li ser rêgeza biratiya gelan û jiyana hevpar dijîn.”

El-Beşîr destnîşan kir ku dewletên parastina sînorên xwe îdia dikin (Tirkiyê) li ser hesabê herêmên din, dewletên êrîşker in û wiha berdewam kir: "Eger rewş cuda bûya dê ew dewlet sînorên xwe ji hundir ve biparêzin ne ku êrîşî dewletên cîran bikin mîna ku dewleta Tirkiyê îro dike."

El- Beşîr di dawiya axaftina xwe de wiha got: “Baweriya me bi ciwanên ku bi hêztirîn rêxistina terorê têk birin heye. Ew dikrain şaneyên veşartî yên ku ewlehiya herêmê xirab dikin jî tune bikin.”

(şx)

ANHA


Mijarên Din