Ebdî: Dijminahiya Tirkiyê li dijî Kurdan gihaşt asta ku postek bi zimanê Kurdî ji hêla koalîsyonê ve tehemûl neke

Fermendarê giştê yê Hêzên Sûriye Demokratîk Mezlûm Ebdî got dijminahiya Tirkiyê ne tenê li dijî YPG`ê ye, li dijî hebûna gelê Kurd li Sûriyê ye. Her wiha îşaret bi helwesta Tirkiyê ya dijberî posta bi zimanê Kurdî ku ji hêla Koalîsyona Navdewletî ya li dijî DAIŞ`ê ve belav bûye kir.

Di postekê de li ser hesabê xwe li ser Twitterê Mezlûm Ebdî teqez kir ku Tirkiyê posta ku bi zimanê kurdî ji hêla Koalîyona Navdewletî ya li dijî DAIŞ`ê ve belav bûye tehemûl nekir. Post ji bo pîrozkirina şervanên jin ên Kurd bi metelûkek Kurdî û wekheviya di navbera mêr û jin de teqez dikir, bû.

Ebdî wiha domand: "Ev dijminahiya Tirkiyê ne tenê li dijî YPG`ê ye lê belê li hember hebûna gelê Kurd li Sûriyê ye."

Koalîsyona Navdewletî ya li dijî DAIŞ`ê li ser hesabê xwe li ser Twitterê wêneyên şervanên jin ên YPJ`ê û metelokek bi zimanê Kurdî ku behsa cesareta şervanên jin ên Kurd û wekheviya di navbera jin û mêr de dike belav kiribû.

(şx)

ANHA


Mijarên Din