Ebdî: Rûsya û Amerîka ji rêgirtina li pêşiya guhertina demografyaya herêmê berpirsyar in

Mezlûm Ebdî got, Rûsya û Amerîka ji rêgirtina li pêşiya guhertina demografiya herêmên dagirkerî berpirsyar in û bang li wan kirin ku sozên xwe bi cih bînin û mekanîzmeya vegera niştecihên resen deynin.

Fermandarê Giştî yê Hêzên Sûriye Demokratîk (QSD) Mezlûm Ebdî li ser hesabê xwe yê tiwîtterê daxuyanî da.

Ebdî got ‘‘Bicihkirina miloyan kesan li bajarê Girê Spî û Serêkaniyê‘‘  ku serokê Tirkiyê ragihandiye, mijareke pir xeter e, armanc dike ku kesên biyanî li van bajaran bi cih bikin.

Mezlûm Ebdî ragihand ku Rûsya û Amerîka ji rêgirtina li pêşiya guhertina demografyaya herêmên dagirkerî berpirsyar in û bang li wan kir ku sozên xwe bi cih bînin û mekanîzmeya vegera niştecihên resen deynin.

Serokkomarê Tirkiyê Recep Tayyîp Erdogan duh bi awayekî eşkere ragihand ku niyetên wê yên guhertina demografyaya herêmên ku ji Serêkaniyê heta Girê Spî hene û dixwaze zêdeyî milyonan kes ku piraniya wan malbatên çeteyan û eygur û çeteyên biyanî li van herêman bi cih bike.

ANHA



 


Mijarên Din