Efganistanê 400 girtiyên Talîbanê berdan

Afganistanê îro ragihand ku 400 girtiyên tevgera Talîbanê berdane ku ew jî şertê bingehîn ê destpêkirina dan û standinên aştiyê di navbera her du aliyan de ye.

Bi hezaran rûspiyên Efganistanê yên endamên Meclisa Mezin (Loya Jirga) hefteya borî li ser serbestberdana 400 girtiyên tevgera Talîban ku sûcên xeternak kirine, erê kir. Piştî 3 rojan ji nîqaşan, endamê meclisê Atîfa Teyib wiha got: "Ji bo derbaskirina astengiyên li pêşberî dan û standinên aştiyê, rawestandina kuştinê Loya Jirga li ser serbestberdana 400 girtiyên ku Talîbanê daxwaza wan kiriye, erê kir."

Ji aliyê xwe jî Abdullah Abdullah ê berpirsê hikumetê yê ji dan û standinan hatiye erkdarkirin, got dê dest bi dan û standinên aştiyê bikin.

(fr)


Mijarên Din