El-Selac: Wê komîteya destûrê bibinkeve

Endamê Desteya Fermandariya Partiya Nûjen û Demokratîk li Sûriyê derfetên serketina xebata komîteya destûrê ya ku hatiye ragihandin, kêm dît. Her wiha diyar kir ku mekanîzmaya ku pê komîte hatiye avakirin û tunebûna nûnerên Rêveberiya Xweser tê, dê bibe sedemên binkeftina komîteyê.

NY’yê roja duşema borî avakirina komîteya destûra Sûriyê ragihand. Dê tê de 150 kesayet beşdar bibin. Wê kesayetên alîgirên rejîma Sûriyê, kesayetên girêdayî Tirkiyê û yên dîtir jî ji hêla dewletên destwerdêrên Sûriyê, beşdarî komîteyê bibin.

Civaka navdewletî dîsa çareseriya Sûriyê asteng kir. Rêveberiya Xweser a Demokratîk a Bakur û Rojhilatê Sûriyê hate paşguhkirin. Weke çawa di pir civînên navdewletî mîna Cinêvê û yên dîtir de hatine paşguhkirin.

Derbarê sedemên beşdarnekirina nûnerên Bakur û Rojhilatê Sûriyê ya di mekanîzmaya formekirina destûra Sûriyê de, endamê Desteya Fermandar a Partiya Nûjen û Demokratîk li Sûriyê Îbrahîm El-Selac axivî. El- Selac got: "Metirsiya Rejîm û opozîsyona Sûriyê ji tecrûbeya Rêveberiya Xweser ku dê li tevahî herêmên Sûriyê belav bibe, ji sedemên girîntirîn e."

El-Selac wiha lê zêde kir: "Tunebûna nûnerên herêmên Bakur û Rojhilatê Sûriyê ya ku tê de bi milyonan sûrî hene, ji ber metirsiya Rejîm, hêzên herêmî û yên destwerdanê Sûriyê dikin ji tecrûbeya Rêveberiya Xweser e ku li tevahî xak Sûriyê pêk bê. Ev tecrûbe, tê de biratiya gelan, kûrahiya demokatîk û nirxên hevkarî û hezkirinê heye."

Derheqê çarenûsa komîteya destûrê de wiha El-Selac axivî: "Ne ji encamname û biryarên Cinêvê bû ku komîteya destûrê bê avakirin. Lê 4 biryarên Cinêvê yên bi hejmara 2254, mekanîzmaya veguhastina siyasî, piştre veguhastina ber bi destûra Sûriyê ve bû. Lê belê îro, veguhastina siyasî tune û komîteya destûr hatiye avakirin. Tê dîtin ku ev komîte dê ber bi rêyeke girtî ve biçe. Ew jî ji ber mekanîzmaya ku destûr pê hatiye avakirin."

El-Selac di dawiya axaftina xwe de wiha got: “Destwerdana hêzên derve di dosyeya Sûriyê de hişt ku rejîma Sûriyê û qaşo opozîsyon di zihniyeta dûrxistinê de israr bike.”

(fr/bm)

ANHA


Mijarên Din