‘Em li ser soza xwe ne heta ku em terorîstên Tirkiyê têk bibin‘

Hevserokê Meclisa Rêveber a bajarê Minbicê got ew li ser soza ku bi şehîdan re dane ku ewê hemû cûreyên terorîstan û bi taybet terorîstên Tirkiyê têk bibin.

Şêniyên bajarê Minbicê, gundewarên wê, malbatên şehîdan û partiyên siyasî berê xwe didin konê çalakiyê ku beriya çenda rojan li bajêr hatiye vedan. Konê çalakiyê bi armanca şermezarkirina êrîşên dewleta Tirk a dagirker li dijî herêmên Bakur û Rojhilatê Sûriyê hatiye vedan. 

Di bin konê çalakiyê de axaftin hatin kirin û êrîşên dewleta Tirk a dagirker li dijî herêmên Bakur û Rojhilatê Sûriyê hatin şermezarkirin.

Hevserokê Meclisa Rêveber a Minbicê Mihemed Xêr Şêxo wiha axivî:"Rêya ku şehîdan destpê kiriye dê nesekine. Em heta van kêliyan şehîdan didin.”

Şêxo tekez kir ku bi ew şopdarên rêya şehîdan, şehîdên ku dest bi dest hemû terorîst û bi taybet terorîstên Tirkiyê têk birin û herêmên xwe bi saya xwîna şehîdan rizgar kirin.

Hevserokê Meclisa Malbatên Şehîdan Mehmûd El-Îdo jî got dewleta Tirk a dagirker û çeteyên bi êrîşên xwe komkujiyan pêk tînin û zagonên navdewletî binpê dike.

Paşê ji endamên Partiya Nûjin û Demokratîk li Minbicê Medîha Cûma ev tişt got:"Hikûmeta xwînmij a Tirkiyê û bi destekdayîna çeteyan li ser xaka me êrîşî gelê me. Xaka me parçeyek ji canê me ye."

Medîha destnîşan kir ku ew ji dewleta Tirk a dagirekr na tirsin ji ber baweriya wan bi serkeftinên heye.

Di dawiyê de Medîha got ew bi şehîdên xwe serbilind in û ew ê her tim li ser soza xwe bin.

Paşê sînevisyonek der barê komkujiyên dewleta Tirk û sûcên ku li herêmên Bakur û RojhilatêSûriyê pêk tîne, hat pêşkêşkirin.

Di dawiyê de zarokê bi navê Sîrac helbeste bi navê "Cenazeyê zarokê ne nas" got.

(bx)

ANHA


Mijarên Din