Esed:Kiryarên Erdogan bê exlaqî ye

Serokê rejîma Sûriyê Beşar Esed got Erdogan bê exlaq e û şerê li dijî terorê jî hîna bi dawî nebûye.

Serokê rejîma Sûriyê Beşar Esed di hevdîtina li gel kovara Paris Match de piştrast ku li Sûriyê şerê li dijî terorîstan bi dawî nebûye û hîna terorîst li herêmên Bakur hene. Di heman demê de, dewleta Tirk û dewletên din hîn jî piştgiriya terorîstan dikin.

Serokê rejîma Sûriyê dubare êrişî serokkomarê Tirkiyê Recep Tayyîp Erdogan kir û got Erdogan bi vegera terorîstan hewl dide li ser Ewropayê şantajê bike û ev yek bê exlaqî ye.

Esed wiha axivî: “Kesê ku rêzê ji xwe re bigire, dê wiha neaxive. Li wir sazî û qanûn hene, mijara şandina terorîstan an jî şandina kesên mehkum ji dewletên din re, rastî hevpeymanên dualî yên di navbera dewletan de tên, an ew kes ji zindanê derkeve û tu dizanî ku terorîst e û tu dişînî dewleteke din da ku sivîlan qetil bike. Ev bi serê xwe bêexlaqî ye.”

Têkildarî bikaranîna rejîmê ya çekên kîmyewî Beşar Esed wiha got: “Heta vê kêliyê îsbat tune ne, ji ber bikaranîna çekên wiha dê jiyana bi hezaran bike qurban û ev jî pêk nehatiye. Lê belê sedema vê yekê ji ber artêşa Sûriyê li dijî terorê bi pêş de diçû, wê gavê hincet pêwîst bûn da ku derbê artêşê bixe û ev yek jî rû da. Ev kiryar di 2 rewşan de tê bikaranîn, yan em ê bi paş de biçin û di encamê de divê em bisekinin, bi wateya gefan, an jî em ê amadekariyên operasyonên berfireh bikin û di encamê de ew ê berî operasyonê gefan bixwin.”

Serokê rejîma Sûriyê wiha pê de çû: “Ya duyemîn em baş bi pêş de diçin, wê demê em çima çekên kîmyewî bi kar bînin? Pirs di vir de ye, lê xala herî girîng ew e ku li her devera ku em derbas dibinê, sivîl lê vedigerin û jiyana xwe ya asayî berdewam dikin. Wê demê çawa em çekên kîmyewî bi kar tînin û sivîl li wir dimînin? Di rastiya xwe de propagandeyên çapemeniya Ewropayê û siyaseta wê di vê mijarê de bê sînor e.”

(eh)


Mijarên Din