Ezmûnên werza yekemîn dest pê kirin

900 hezar xwendekarên li herêmên Bakur û Rojhilatê Sûriyê dest bi ezmûnên werza yekemîn a sala perwerdeyê ya 2020-2021`an kir.

Ezmûnên werza yekemîn ên qonaxên seretayî, navîn û amadehî li 4 hezar û 92 dibistanên Bakur û Rojhilatê Sûriyê dest pê kir. Deste û komîteya perwerdeyê tedbîrên ji bo koronayê girtine.

Ezmûnan îro dest pê kir û dê hetanî 28`ê Çileyê dewam bikin.

Pirsên ezmûnên refa dozdeh ya hemû babetan û ya refa nehan jî pirsên ezmûna babetên zimanê dayîkê û bîrkarî navendî (ji aliyê desteyê ve) hatine amadekirin û dê li hemû dibistanên navîn û amadehî werin belavkirin.

Piştî xwendekar ezmûnan xelas bikin, wê hefteyekê betlaneyê bikin.

Hêjayî bibîrxistinê ye ku li herêma Şehbayê û Efrînê, ezmûnên werza yekemîn di 27`ê Kanûna 2020`an de hatin kirin.

 (sb)

ANHA


Mijarên Din