Fransa: Nîşaneyên bikaranîna çekên kîmyawî li Idlibê li gel me hene

Wezîrê Derve yê Fransayê Jean-Yves Laudrian roja Sêşemê ragihand ku li cem Fransayê nîşaneyên bikaranîna çekên kîmyawî li Idlibê li bakur rojavayê Sûriyê hene.

Li gorî ajansa AFP bi bîr xistiye, Wezîrê Derve yê Fransayê li pêşiya Komîteya Karûbarên Derve ya Komeleya Neteweyî got: "li cem me nîşaneya bi karanîna çekên kîmyawî li Idlibê hene. Lê heta niha em jê piştras nebûne."

DYA`yê hefteya borî diyar kir ku eger isbat bû Rejîma Sûriyê di 19`ê Gulanê de çekên kîmyawî bi kar anîye dê tevî hevalbendên xwe bi lez bersîvek guncew bidin.

Amerîka piştî ku Rejîma Sûriyê bi karanîna çekên kîmyawî di Nîsana 2017 û Nîsana 2018`an de tewanbar kir, du caran nuqteyên Rejîma Sûriyê kir hedef.


Mijarên Din