Gaziyên Şer ên kantona Qamişlo komeleya xwe ya taybet ava kirin

Gaziyên Şer ên kantona Qamişlo bi armanca damezirandina Komeleya Berdêlên Jiyana Azad, konferansek li dar xistin, rêzikname hate erêkirin û endamên desteya komeleyê hatin hilbijartin.

Bi armanca bixwerêxistinkirin û dabînkirina hewcedariyên tenduristiyê, duh gaziyên şer kantona Qamişlo konferansa xwe ya yekemîn li dar xistin.

Konferas li navenda Çand û Hunerê ya Aram Tîgran a li bajarê Rimêlanê ya li kantona Qamişlo bi beşdariya 86 delgeyên gaziyên şer ên li kantona Qamişlo, berdevkê fermî yê YPG`ê Nûrî Mehmûd û gaziyên şer ên herêma Firatê birîndarên şer ên herêma Firatê hate lidarxistin.

Konferans bi rêzgirtinê dest pê kir, paşê ferdevkê fermî yê YPG`ê Nûrî Mehmûd axivî û rol û girîngiya gaziyên şer ên şoreşa Bakur û Rojhilatê Sûriyê da naskirin.

Nûrî Mehmûd bal kişand ser rola birîndaran di şoreşê de û got ku di şoreşa Bakur Sûriyê de piştî şehîdan birîndar di asta duyemîn de ne.

'BIRÎNDAR BEŞEK JI TÊKOŞÎN Û BERXWEDANA KU DI ENCAMA WÊ DE DAIŞ TÊK ÇÛ'

Nûrî Mehmûd behsa têkoşîn û berxwedana li Bakur û Rojhilatê Sûriyê ya li dijî çeteyên DAIŞ`ê kir û wiha got: "Berdêlên ku şehîd, birîndar û gelê me li dijî çeteyên DAIŞ`ê dan bingeha têkbirina DAIŞ`ê bû ku heta niha xeteriyê li ser tevahî cîhanê çêdike. Ev qurbanî û berxwedaniyia ku YPJ/YPG`ê û QSD`ê kir tevahî cîhan di şewqê de ma.

ŞOREŞA BAKURÊ SÛRÎ HÊVIYA MIROVAHIYÊ YE

Der barê êrişên ku li ser herêmên Bakur û Rojhilatê Sûriyê têne kirin Nûr Mehmûd wiha anî ziman: "Armanc ji pilan û lihevkirinên li ser herêmên Bakur û Rojhilatê Sûriyê têne kirin ku îradeya hêzên leşkerî ku mirovahî parast, bişkînin. Ji ber wê jî divê birîndarên me zanibin ku ew îro jiyaneke ne normal dijîn. şoreşa me berdewam e û birîndarên me yek stûnên vê şoreşê ne ku bûye hêviya mirovahiyê."

Nûrî Mehmûd di axaftina xwe de destnîşan kir ku dewleta Tirk a dagirker êrişên li ser herêmê û destkefiyên gel didomîne û wiha domand: "Îro Tirkiyê şerê gelê Sûrî dike, sivîlan dikuje û wan koçber dike."

Nûrî Mehmûd di dawiyê de wiha bilêv kir: "Divê birîndarên şer rola xwe di pêşengtiya parastina destkefiyên şoreşê de bilîzînin. Divê esasê rêxistinkirina civakê li her tax û bajarekî bin. Ji ber ev erkeke dîrokî li ser milê me ye."

Paşê rêziknameya hundirîn a "Komeleya Berdêlên Jiyana Azad a kantona Qamişlo" hat xwendin,  hindek guhertin têde hat çêkirin û paşê hat erêkirin.

Li gorî rêziknameyê, peydakirina hemû pêwîstiyên tenduristî û dermankirina fîzîkî ya gaziyan, her wiha başkirina rewşa madî, amadekirina wan bi awayekî baş da ku tev li civakê bibin û xebat û çalakiyên xwe bidomênin.

Konferansê damezrîner ê Komeleya Jiyana azad bi hilbijartina desteya komleyê ku ji 9 kesan pêk tê, erkdarkirian 3 kesan ji wan ji bo xebatê sekertêriyê ya komleyê, bidawî bû.

ANHA


Mijarên Din