Gelê Dêrikê jî biryara qedexeya derketina derve bi cih anî

Li herêma Dêrikê jî qonaxa duyemîn a qedexeya derketina derve ji saetên sibê ve ketiye meriyetê, dewriyeyên Hêzên Ewlekariya Hundirîn û Hêzên Hawarî digerin û liv û tevgera nava bazarê kêm e.

Li herêma Dêrikê ji saet 6:00’ê sibê ve çûn û hatin tune ye, sazî, navend û gerac girtî ne û dezgehên veguhastinê nagerin.

Tenê komîteyên dezenfektekirinê, firoşgehên kel û pelan, nexweşxane, Heyva Sor a Kurd, şaneyên aloziyê û sehrîcên veguhastina sotemeniyê li ser karên xwe ne.

Dêrikî li gorî biryara qedexeya derketina derve tev digerin; têketin, derketin û kolanên bajarê Dêrikê vala ne.

Têkildarî mijarê hevserokê Şaredariya Gel a Dêrikê Feramez Hemo piştrast kir ku di çarçoveya qonaxa duyemîn a pêngava dezenfektekirinê de ku şaredarî û Gerînendetiya Tenduristiyê ya Dêrikê pê rabûne, dê sibe bazar û gerac werin dezenfektekirin.

 (eh)

ANHA


Mijarên Din