Helbestvan Deham Hesen koça dawî kir

 Vê sibehê, helbestvanê Kurd Dehan Hesen (75) ji ber nexweşiyê li bajarê Qamişlo koça dawî kir.

Helbestvan Deham Hesen ku sala 1946`an hatiye dine, ji şêniyên bajarê Amûdê ye û lîsansa bi zimanê erebî standiye.

Deham Hesen di temenekî biçûk de bi zimanê erebî dest bi nivîsandina helbestê kiriye, her wiha çîroknivîs û nivîsên derbarê fikir û siyasetê de nivîsandine.

Pirtûkek wî bi navê “Di raman, çand û siyasetê de neynik” heye û ji komeke lêkolînên fikirî û siyasî pêk tê. Her wiha gelek helbest û nivîsên wî di gelek rojname, kovar û malperan de hatine weşandin.

Dê cenazeyê helbestvan Deham Hesen îro ji pêşiya Mizgefta Qasimo ya li taxa Xerbî ya bajarê Qamişlo bi rê keve û li goristana taxa Hilêliyê bê oxirkirin.

(cx)

ANHA

 


Mijarên Din