Hevdîtina Trump û Erdogan li ber avahiya Koşka Spî tê protestokirin

Li Washingtonê ku paytexa Amerîkayê ye bi sedan Kurd, Ermen û dostên wan li dijî hevdîtina serokê DYA‘yê Donald Trump bi hempêşiyê xwe yê Tirk  Receb Tayyîp Erodan re çalakiyek protestoyî kirin.

Bi sedan amerîkî, Kurd, Ermen li ber Koşka Spî ya li paytexta Amerîkayê Washingtonê li dijî hevdîtina Trump û Erdogan çalakiyek protesto kirin.

Ev hevdîtin di demekê de ku Tirkiyê êrişên xwe li ser Bakur û Rojhilatê Sûriyê didomîne tê.

Beriya êrişên Tirkiyê li ser herêmê di 9`ê Cotmehê de Koalîsyona Navneteweyî ya şerê li dijî DAIŞ`ê ya bi serkêşiya DYA`yê hêzên xwe ji gelek bargehên leşkerî li Bakur û Rojhilatê Sûriyê vekişandin.  Ev yek mîna erêkirina Amerîkayê ji êrişên Tirkiyê re hate hesibandin.

Çalakvanan wêneyên şehîdên entersyonalîst ên ku di şerên Bakur û Rojhilatê Sûriyê de şehîd bûne, alên Hêzên Sûriye Demorkatîk, YPJ û YPG û pankartên bi nivîsên  `Amerîka bi hevalbendên xwe Kurdan re bimîne` hildan û sloganên `Erdoganê faşîst`, `Hilweşe Erdogan` û `Bijî QSD`ê` berz kirin.

Nûnerê Meclisa Sûriye Demokratîk a li Amerîkayê Sînem Mihemed a ku tev li çalakiyê bûne destnîşan kir ku ew ji bo ku civîna di navbera Trump û Erdogan red bikin li ber Koşka Spî çalakî li dar dixin. Her wiha teqez kir ku Amerîka helwestek hişk li hember sûcên Erdogan li Bakur û Rojhilatê Sûriyê nîşan dide.

Beriya saetekê hevdîtin di navber her du serokan de li Koşka Spî destpê kir.

(şx)

ANHA


Mijarên Din