​​​​​​​Hikumeta Yemenê û Hûsiyan li ser mijara berdana kesên dîlgirtî lihev kirin

Li gorî berpirsekî ji Yemenê, hikumeta Yemenê û Hûsiyan li hev kirin ku derdora hezar dîlgirtiyên her du aliyan weke destpêkê, bi hev biguherin. Tê payîn di nava du hefteyan de xebata bihevguhertina dîlgirtiyan pêk werê. 

Nivîsgeha Nûnerê Navneteweyî ji bo Yemenê Martin Griffiths di daxuyaniyekê de piştrast kir ku nûnerên hikumeta Yemenê û Hûsiyan li hev kirine ku li gorî lîsteya ku li ser hatiye lihevkirin, yekser hezar û 81 girtî serbest berdin.

Her du aliyan di civîna 4`an de ya Komîteya Çavdêra pêkanîna lihevkirina bihevguhertina dîlgirtiyan a ku ji beriya hefteyekê ve li Swîsreyê destpê kiriye, li hev kir.

Martin Griffiths di daxuyaniyeke de taybet ji rojnameya Şerq El-Ewsat re, rave kir ku ew ji ber pêkhatina lihevkirinê kêfxweş e.

 şx

 


Mijarên Din