Hola lîstikên bedenê ku piştî 10 salan hate vekirin, ji bo jinan jî saet veqetand

Komîteya Ciwan û Werzîşê ya Meclisa Sivîl a Reqayê holeke sporê ji bo lîstikên laş piştî rawestandina wê 10 salan ji kar, vekir, komîteyê rojan e ji bo jinên dixwazin navên xwe tomar bikin 4 saet diyar kirin.

Di vekirina wê de, bi dehan endamên saziyên sivîl û Hevserokê Meclisa Sivîl a Reqayê Mişleb El-Derwîş, endamên komîteya Ciwan û Werzîşê û kesên lîstikên bedenî dikin, amade bûn.

Hevserokê Meclisa Sivîl a Reqayê Meşleb El-Derwîş derî vekir û paşê li nav beşdarên holê geriyan.

Mihemed Hisên El-Salih mamosteyê perwerdekirina lîstikên bedenê spasiya komîteya Ciwan û Werzîşê kir û wiha got: "Hol dê rihê sporê ji şêniyên bajêr re vegerîne."

Hevseroka komîteya Ciwan û Sporê di Meclisa Sivîl a Reqayê de Fatimê El-Xilêf wiha got: "Hola sporê li lîstikgeha Beledî ku nêviyê wê hatibû rûxandin ji ber binpêkirinên çeteyên DAIŞ`ê, ji ber vê yekê me hol sererast kir û amûrên pêwîst ji bo lîstikgehên bedenê peyda kirin û danîn holê."

Fatime El-Xilêf da zanîn ku jin dikarin rojan e ji seat 8`ê sibehê heta 12`ê nîvro bên holê û sporê bikin, lê seatên êvarê ji bo mêran e.

Hejmara kesên navên xwe tomar kir 90 kese û deriyê tomarkirinê ji bo jinan ji îro de destpê kir.

ANHA


Mijarên Din