HPG‘ê li Bedlîsê li  leşkerên Tirk da, 4 leşker hatin kuştin

Gerîlayên HPG'ê li bejahiya Bedlîsê li hêzên dagirker ên derketin operasyonê xistin. Di sê çalakiyan de herî kêm 4 leşker hatin kuştin.

Navenda Ragihandin û Çapemeniyê ya HPG'ê li ser mijarê daxuyaniyeke nivîskî weşand.

Di daxuyaniyê de hate gotin, "15'ê Gulanê artêşa TC a dagirker li qadên Şêx Cûma û Şehîd Mizgîn ên Bedlîsê, bi yekîneyên veşartî dest bi operasyonekê kir.

16'ê Gulanê saet 10:30'î li geliyê Şinadoxan ê qada Şêx Cûma, hêzên me li dijî yekîneyên operasyonê çalakiyek pêk anîn. Ji cihekî nêz ve li du wesayitên dijmin û leşkerên dijmin xistin. Di çalakiyê de derb li her du wesayitan ketin, 3 leşker hatin kuştin û gelek leşker jî birîndar bûn.

Heman rojê saet 18:40'î hêzên me li heman geliyê Şinadoxan cara duyemîn li leşkeran xistin. Derbên giran li yekîneya dijmin hate xistin, lê hejmara leşkerên mirî û birîndar nehate tespîtkirin."

Di daxuyaniyê de her wiha hate gotin, "18'ê Gulanê li quntara Girê Kulitê, hêzên me yekîneya leşkerî şopand. Heman rojê saet 18:45'an hêzên me li vê yekîneya dijmin xistin. Di çalakiyê de leşkerekî dijmin hate kuştin, yek jî birîndar bû.

Artêşa TC a dagirker êvara 19'ê Gulanê bi rengekî bê encammayî vekişiya. Di dema operasyonê de bi helîkopterên êrîşê û topên obusê qada operasyonê bombe kir."

Êrîşa hewayî

Navenda Ragihandin û Çapemeniyê ya HPG'ê li ser êrîşên hewayî yên artêşa Tirk jî diyar kir, "20'ê Gulanê balafirên şer ên artêşa TC a dagirker saet 12:30 qada Tepê Sor a herêma Avaşînê, saet navbera 13:30-14:30 jî Geliyê Avaşînê bombe kirin. Ji ber bomberdûmanê zerar negihişt hêzên me."


Mijarên Din