HRE: Li Babê 8 çete hatin kuştin

Hêzên Rizgariya Efrînê destnîşan kir duh li derdora Babê li dijî komeke çeteyan çalakiyek li dar xistin û di çalakiyê de 8 çete hatin kuştin û 4 çete jî birîndar bûn, her wiha dest danîn ser gelek çek cebilxaneyê.

Hêzên Rizgariya Efrînê (HRE) bi daxuyaniyeke nivîskî ragihand ku hêzên wan duh li gundê Tiwês ê bajarê  Babê li dijî koma çete ya bi navê Cebhe El-Şamiye çalakiyek li dar xist û di çalakiyê de hêzên wan ketin nav çeperên çeteyan. HRE’yê ragihand ku di çalakiyê de 8 çete hatin kuştin, 4 çete birîndar bûn û her wiha dest danîn ser gelek çek û cebilxaneyên çeteyan.

Berfirehiya daxuyaniya HRE’yê wiha ye:

“Hêzên me li derdora herêma Babê çalakiyeke bibandor li hemberî artêşa Tirk a dagirker û çeteyên wê li dar xist û hejmarek ji çeteyan hatin kuştin.

Di dîroka 9’ê Tebaxê de li herêma Babê derdora gundê Tiwês hêzên me bi çalakiyeke bibandor ketin nav çeper û baregehên koma terorîst a bi navê Cebhe El-Şamiye. Di encama pevçûnên dijwar de ku 15 deqeyan dirêj kir, 2 motorsîklêt hatin rûxandin, 8 çete hatin kuştin û 4 çete birîndar bûn. Her wiha hêzên me dest danî ser 3 çekên AK-47, çekeke sekvaniyê, dûrbîneke termal, 11 jerjor û 2 rextan.”


Mijarên Din