‘Huner lêgerîna heqîqetê‘ ye

Di çarçoveya rêzeçalakiyên bi daxwaza azadiya Rêberê Gelê Kurd Abdullah Ocalan çalakiyên çandî hatin lidarxistin.

QAMIŞLO

Bi diruşmeya ‘Huner lêgerîna heqîqetê ye‘ ku gotina Rêberê Gelê Kurd Abdullah Ocalna Tevgera Çand û Hunerê ya navçeya Çilaxa ya herêma Cizîrê di çarçoveya rêzeçalakiyên şermezarkirina tecrîda li dijî Rêberê Gelê Kurd Abdullah Ocalan û bi daxwaza azadiya wî bi dçalakiyeke çandî û hunerî li dar xist. Bi sedan şêniyên navçeya Çilaxa beşdarî çalakiya çandî û hunerî bûn.

Çalakî li Navenda Çand û Hunerê hate lidarxistin.

Piştî deqeyeke rêzgirtin, rêvebera Navenda Çand û Hunerê ya Çilaxa Rojîn Îsmaîl axivî û bal kişand rola çand û hunerê di runêsansa gelan.

Hevserokê Meclisa herêma Dêrikê Mihemed Abdulrehman jî axivî û ev tişt anî ziman: "Asta pêketina çanda her civakekê bi qebûlkirina çandên gelên dîtir tê pîvandin, lewra siyaseta me banga hevgirtina hemû gelên li ser xaka Rojava Kurd, Ereb û Suryan dike. Hezkirina me ji çandê re tê wateya girêdana me bi axa xwe ve, di heman demê de dûrtina me jî çandê tê wateya dûrketina me ji ax û azadiya xwe."

Rêveberê Buroya Desteya Çand û Huner ya Girkê Legê Xelîl Tehlo jî axivî û girîngiya pêşxistina çandê destnîşan kir û wiha anî ziman: "Bi bi salan me têkoşîna parastina çandê kir. Tinekirina çanda gelekî tê wateya tinekirina wî gelî ye. Bi saya xwîna gelan em gihiştinê vê astê û şoreşa me şoreşa fikrî, çandî û exlaqî ye."

Piştî axaftinan, Koma Serihldan a girêdayî navneda Aram Tîgran hinek stranên filklorî gotin, her wiha Koma Çarçêla şanoyek bi navê "Efrîn kelha berxwedanê ye" pêşkêş kir."

Koma Emel ya girêdayî navenda Çand û Hunerê ya Çilaxa stranên filklorî yên Erebî gotin. Koma Buhar Çiya stran gotin û diyarî berxwdana Efrînê kirin.

Di çalakiyê de helbest hatin xwendin.

Çalakiyê bi dirûşmeyên ji Ocalan re azadî bi dawî bû.

ANHA


Mijarên Din