Hunermend Bengîn ji bo şêniyên Efrînê konsêrek da

Hunermendê Kurd Hikmet Cemîl (Bengîn) ji bo şêniyên Efrînê konsêrek li kampa Serdemê ya kantona Şehbayê da.

Konsêr ji aliyê navenda Çand û Hunerê, Tevgera Kevana Zêrîn û Meclisa Herêma Efrînê ve bi amadebûna bi sedan şêniyên Efrînê û Şebayê haterganîzekirin .

Cihê konsêrê bi wêneyên Rêber Abdullah Ocalan, şaxên zeytûnan û pankartên bi nivîsên "Bi çanda demokratîk ber bi rizgarkirina Efrînê ve" hatibû xemilandin.

Piştî deqeya rêzgirtin, hunermend Bengîn axivî "Ez hatim vir da ku moralê we bilind bikin, lê îrade û moralê we yê bilind û îsrara we ya berxwedanê min matmayî hişt, bi dîtina we moralê min bilind bû."

Bengîn, spasiya kesên konsêr li dar xist, kir û got,"Efrîn wê ji dagirkeriya Tirk û çeteyên wê re nemîne, bi îrade û îsrara berxwedana ciwan û gelê berxwedê wê Efrîn rizgar bibe."

Piştre bi stranên xwe yên şoreşgerî gel coşand. Beşdaran li ber stranan xelekên govend gerandin.

ANHA


Mijarên Din