‘Hêza me gel e‘

Fermandarên QSD‘ê geşedanên siyasî ji şêniyên gundên navçeya Silûk ya katona Girê Spî re şîrove kirin û teqez kirin ku hêza wan gel e.

GIRÊ SPÎ

Civîn li gundê Mestûr ê bakurê navçeya Silûkê ya kantona Girê Spî hate  lidarxistin. Bi dehan şêniyên navçeyê, fermandarê QSD‘ê Zerdeşt Fatimê û Rosêl Minbic û Hevseroka Meclisa Kantona Girê Spî Sebirî Nebî di civînê de amade bûn.

Fermandarên QSD‘ê anîn ziman ku hêz û moralê wan gel e û destnîşan kirin ku çalakiyên li ser sînorê bandoreke mezin li raya giştî kir û dê planên Tirkiyê yên li dijî Rojava û Bakurê Sûriyê têk bibe.

Kesên axivîne diyar kirin ku dewleta Tirk hewl dide biratiya gelan di navbera pêkhateyên herêmê de têk bibe û destnîşan kirin ku bi saya şervanên QSD‘ê teror ji herêmê hatin derxistin.

Di dawiya civînê de teqezî li ser girîngiya hevgirtina gel li hemberî gef û komployên Tirkiyê hate kirin.

ANHA


Mijarên Din