Hêzên rejîmê êrîş kir: 2 kes mirin, hejmarek birîndar bûn

Hêzên rejîma Sûriyê êrîşî xwepêşandana şêniyên bakur û rojhilatê Dêrazorê kir. Di encamê de 2 kes hatin qetilkirin û hejmareke din birîndar bûn.

Îro xelkên herêma Salihiyê ya gundewarên rojavayê Dêrazorê ku li beramberî herêmê di bin serweriya hêzên rejîma Sûriyê de ye, ji bo ku hêzên rejîmê ji gundên wan derkevin û şênî vegerin malên xwe xwepêşandanek li dar xistin.

Nûçegihanên me ji herêmê ragihand ku hêzên rejîma Sûriyê gule avêtin xwepêşandêran. Di encamê de 2 kes hatin qetilkirin, navê wan ev in "Hemed Cedan El-Edad ji gundê Cedîd Begara ye û Ebdulrezaq El-Rehîm".

Her wiha hejmarek din jî birîndar bûn, di nav de du endamên Hêzên Ewlekariya Hundirîn e. Li gorî agahiyan ji birîndaran rewşên kirîtîk hene.

Hêzên rejîmê hejmarek xwepêşandêr girtin û ew birin cihekî ne diyar.

Tê gotin ku li herêmê alozî heye.

ANHA


Mijarên Din