Iraq nameyeke protestoyî radestî Tirkiyê kir

Berdevkê Hikumeta Iraqê Ehmed Mele Talal got, hikumeta Iraqê nameyeke protestoyî radestî sefîrê Tirkiyê yê Bexdayê kir û got, dê di çarçoveya qanûn û peymanên navdewletî de mafên Iraqê di redkirina van binpêkirinan û rawestandina wê de îsbat bike.

Di daxuyaniya berdevkê Hikumeta Iraqê Ehmed Mele Talal de hate diyarkirin ku hêzên Tirkiyê ev demeke destdirêjî xaka Iraqê, Bexda van kiryarên ku ziyanê dighîne têkiliyên xurt a dem dirêj a di navbera herdu gelan de bi tundî şermezar dike.

Di daxuyaniyê de banga rawestandina van binpêkirinan hate kirin û got: "Tirkiyê berpirsê qanûnî û exlaqî ji windahiyên mirovî û madî ye."

Her wiha bang li civaka navdewletî hate kirin ku gavên derbarê pêşxistina ewlehiya heêrmê û parastina serdestiya xaka Iraqê û parastina gelê wê bigire."


Mijarên Din