Ji malbata şehîd Merwan re sersaxî hate xwestin

Şêniyên navçeya Til Hemîsê ya kantona Qamişlo sersaxî ji malbata şehîd Merwan El- Xilêf (Ceger Qamişlo) re xwestin.

Şervanê QSD‘ê Merwan El-Xilêf (Ceger Qamişlo) di 11‘ê Cotmehê de di Berxwedana Rûmetê de li Serêkaniyê şehîd bibû.

Meclisa Malbatên Şehîdan a navçeyê ji bo şehîd Merewan konê sersaxî ji ber mala wî li gundê Heswiyê veda.

Bi sedan kes herikîn bin kon û ji malbatê re sersaxî xwestin.

Di merasîmê sersaxiyê de ji rêveberên Tevgera Çand û Huner a Navçeya Til Hemîs Simko Cûdî axivî û wiha got: ‘‘Em îro di qonaxeke hestiyar û çarenûsî re derbas dibin, dagirker ji hemû aliyan ve hatin herêmên bakurê Sûriyê dagir bikin.‘‘

Cûdî soza bi şehîdan re nû kir û wiha got:`` Em ê li ser rêya wan bimeşin, ew mafdar in. Me ji bo tinekirina terorê ji Sûriyê 11 hezar şehîd dan em ê bi hazaran şehîd ji bo derxistina Tirkan ji vî xakî bidin.``

Cûdî her wiha da xuyakirin ku berxwedana 11 rojan a şervanên QSD`ê li Serêkaniyê û Girê Spî ya li hemberî duwemîn hêza herî mezin a NATO, efsaneyeke lehengiyê ye û dê di dîrokê de mayînde bimîne.

Ji bo sersaxîya malbata şehîd, hîna şênî berê xwe didin konê sersaxiyê ya li gundê El-Heswiye hatiye vedan, şênî durişmeyên silavkirina şehîdan û berxwedana wan, davîjin.

Herkîna ber bi konê sersaxiyê ve didome

(rr)

ANHA


Mijarên Din