Jinên Hecînê: Bi têkoşîn û rêxistina xwe em ê li hember tundiyê bisekinin

Jinên ciwan ên bajarê Hecînê yê Dêrazorê tundiya li dijî jinan şermezar kir û banga pêkanîna cezayan li dijî sûcdaran kir, her wiha destnîşan kir ku dê li hember tundiyê bisekinin.

Jinên ciwan ên Hecînê ya li xeta rojhilatê Dêrazorê daxuyaniyek bi dirûşma "Na ji tundiya li dijî jinan re" bi beşdariya bi dehan jinên ciwan û endamên meclisên herêmî û şaredariyan da.

Endama ciwan Rena Ewad Salih daxuyanî xwend. Di daxuyaniyê de wiha hate gotin:

"Bi navê jinên ciwan, bi taybet û jinên Dêrazorê bi giştî, her wiha bi navê jinên ku tundî bi hemû rêbaz û cureyan dîtin, em tundiya li dijî her jinekê şermezar dikin.

Em nehatin vê dinyayê ku di tundiyê re derbas bin, her wiha bibin dirinde di nava devên zinhiyeta desthilat a nexweş ku bi maf û serxwebûnan bawer nake. Îro parastin û soza xwe ji her jineke di tundiyê re derbas bûye, maf û azadiya wê têkçûye, dûbare dikin. Her wiha sûcên li dijî jinên Sûriyê ji revandin, kuştin, tecawîzkirin û îşkencekirinê ji hêla dewleta Tirk a dagirker an jî ji hêla hegamoniya mêrdestiyê ve, şermezar dikin.

Bang dikin kesên sûcdar ceza bikin. Dê bi yek destî bi rêya rêxistin û têkoşîna li hember her kesê ku hewl bide jinan biçewisîne yan jî vîna wê têk bibe û mafên wê înkar bike, li ber xwe bidin.

Bang li aliyên têkildar dikin ku qanûn tund li dijî bûyerên li dijî jinan pêk tên deynin, em jî bi fikr û israra xwe ya azad dê li hember rejîmên desthilat ku hewl didin nirx û qîma jinan kêm bikin, bisekinin."

Daxuyanî bi dirûşmên şermezarkirina tundiyê bi dawî bû.

(fr)

ANHA


Mijarên Din