Jinên siyasetmedar: Hedefgirtina jinan bandorê li têkoşîna me nake

Jinên siyasetmedar ên bajarê Helebê siyasetên dewleta Tirk a dagirker şermezar kirin û destnîşan kirin ku êrişan dagirkeran bandorê li têkoşîna jinan nake.

Jinên siyasetmedar sûcên dewleta Tirk û hedefkirina jinan şermezar kirin û gotin ew ê xeta têkoşînê berdewam bikin ta armancên xwe bi cih bînin.

Endama Buroya Jin a Partiya Pêşerojê ya Sûriyê Suheyla Beyrem wiha got: "Armanca dewleta Tirk dagirkirin, guhertina demografiya herêmê ye û hedefgirtina gelan e wek u çawa li Efrîn, Serêkaniyê û Girê Spî pêk anî."

Der barê komkujiya ku artêşa Tirk a dagirker li dijî jinan pêk anî de,  Suheyla diyar kir ku armanca dewleta Tirk ji sûcên li dijî jinan, binpêkirina mafên civakê û hedefgirtina 3 jinan li gundê Helincê yê Kobanê ku îradaya jinan bişkîne.

Her wiha endama Buroya Jin a Meclisa Sûriya Demokratîk Hena Ehmed destnîşan kir ku sûcên ku dewleta Tirk li Sûriyê pêk tîne kiryarên terorîstî ne û wiha bilêv kir: "Dewleta Tirk li herêmên dagirkirî sûcên xwe yên ji kuştin, hilweşandin, revandin, îşkencekirin û hedefgirtina jinan didomînin. Komkujiya li dijî 3 jinan li Kobanê diyar dike ku Tirkiyê ji îradeya jina azad ditirse."

Endama Buroya Meclisa Jinan a Sûriyê Amna Xidir jî komkujiya li dijî her 3 jinan şermeza kir û got: "Êrişên dagirkeran bandorê li têkoşîna jinan nake. Em ê xebat û têkoşîna xwe bidomînin heta armancên xwe pêk bînin. Em weke jin bang li rêxistinên jinan dikin ku li hember sûcên dewleta Tirk li dijî jinên li Sûrî bisekinin."

(bx)

ANHA


Mijarên Din