KCK'ê Cejna Remezanê pîroz kir

Komîteya Gelan û Baweriyan a KCK'ê Cejna Remezanê ya Misilmanan pîroz kir, di vê pêvajoyê de ku yekîtiya netewî pir girîng e, bang li Kurdan kir fitneya ku dewleta Tirk a dagirker û mêtinger dixwaze têxe nav wan xira bikin û têkoşînê geş bikin.

Komîteya Gelan û Baweriyan a KCK'e ji bo Cejna Remezanê daxuyaniyeke niviskî da. KCK'ê got, ''Misilman îsal di nav zor û zehmetiyeke hê mezintir de îsal rojiya remezanê girtin. Em bawer dikin ku wê bi hêviyeke mezin cejnê pîroz bikin. Em hêvî dikin ku ev cejn aştiyê ji cîhana Îslamê û hemû mirovahiyê re bîne, bibe wesîleya avabûna jiyaneke aram û demokratîk. Di serî de ya Misilmanên Kurdistanî bi cejnê li wan hemû Misilmanan pîroz dikin ku hêviya qencî, rastî, heq û dadmendiyê ji bo hemû mirovahiyê dikin.''

Di daxuyaniyê de bi berdewamî hate gotin, ''Li wan welatan ku Îslam baweriya xilbe ye gel di bin polîtîkaya zilm, zext û tundiya mezin a desthilatan de dijîn'' û hate gotin, ''Em dixwazin diyar bikin rêya xilasbûnê ya ji vê zilmê ew e ku bi rengekî ku di ber qencî û xweşikiyê de em bikevin pêşbirkê em rêxistiniya bîreweriya demokatîk bikn û têbikoşin. Têkoşîneke wiha ku fermana xeta Îslama demokratîk e jî em bawer dikin ji bo gelen weke îbadetekê peywirek e. Qebûlnekirina jiyana ku Misilman tê de dijîn û navê xwe çi dibe bila bibe naskirina rejîmên siyasî yên berdest ehleqî ye, însanî ye û li gorî hewcehiya Îslamiya Mihemedî ye. Em bawer dikin Îslam encex bi têkoşîneke wiha dikare ji îstîsmara dîktatorên mezhebî, millîyetgirî û qirker were xilaskirin û bigihe nirxên demokratîk a ku temsîla wê dike.''

Komîteya Gelan û Baweriyan a KCK'ê di daxuyaniya xwe de wiha got:

''Rejîma faşîst a Erdogan-Bahçelî li Tirkiyê û Kurdistanê tevahiya Remezanê êrîşên xwe yên li gelan û baweriyan domandin. Bi qasî ku ziyanê bide goristan û şehîdgehan ku nixên herî pîroz ên Kurdan in, bi alçaxî tevgeriya. Bi rengekî ku cenaze bi rêya postayê ji dayikekê re bişîne bêexlaq bû. Bi zorê bi şikandina deriyên navendên baweriyan û bi êrîşa bi bombeyên gazê nîşan da ku di dijminatiya dijî gelan û baweriyan de ti sînorî nasnake. Li gel pandemiya taloke jî bi qasî ku bi hezaran mirovî li girtîgehan bi hêviya mirinê ve bihêle zalimtî kir. Li  şûna hevşaredarên ku gel hilbijartine memûrên dagirker şandin û dest li ser şaredariyên Kurd danîn. Bi gelek fetwayên şaş ku bi diyanetê dancareke dî ispat bike li dijî dînê exlaqî û heq in. Bi qutebirî rejîma faşîst a Erdogan-Bahçelî ji bo ku ji hemû karên xwe yên qirêjî qalikekî bibînin, ji bo rêveberiya faşîst qirker û çete bişofînin Îslam di remezanê de jî bi kar anî. Li dijî Erdogan û AKP'ê ku ji bo li ser desthilatê bimîne nirxên baweriyê qirêjî dike, dixwaze Misilmanan bike şîrîkê gunehê xwe em bang li hemû derdorên li  Tirkiyê dikin ku bibin xwedî helwest û têbikoşin. Em bang li Misilmanên Tirkiyeyî dikin divê nehêlin ku komên ku Erdogan-Bahçelî lîdertiya wan dikin wan ji bo desthilatdariya xwe çavtirsandî bikin, nehêlin ku wan bixin nav gunehan, bibin xwedî helwest.''

Kurdistaniyên hêja,

Vê cejnê em ji hemû salên berê zêdetir li şehîdên xwe xwedî derkevin. Em bi girseyî biçin şehîdgehan û şehîdên xwe bi bîr bînin. Bi rengekî xurt li bîranîna wan xwedî derkvin û bersivê bidin êrîşên dijminê qirker û faşîst. Di serî de bi malbatên şehîdan re, bi malbatên girtiyan re em piştevaniya xwe geş bikin. Em jî bi wesîleya  vê cejnê careke dî li ber bîranîna şehîdên xwe bi hurmet û minet bejna xwe ditewînin û em dubare dikin soza ku tevgera me dayî şehîdan em ê bi cih bînin.

Di Remezana îsal de rûdaneke ku gefê li yekîtiya demokratîk û dahatuya azad gelê Kurd dixwe bi destê PDK'ê bicihkirina hêzê ya li Zînî Wertê ye, ku xizmetê ji berjewendiyên dewleta Tirk re dike. Li dijî vê talokeyê di serî de gelê me yê başûr em bang li gelê me yê li çar parçeyan û gelê me yê li derveyî welêt dikin ku bi giyanê yekîtiya netewî têbikoşin. Em careke dî bi bîr dixin ku alimên Kurdistanî di vê behsê de divê bi peywira xwe ya pêşeng rabin. Em diyar dikin yekîtiya me ya di xeta neteweya demokratîk de, ji bo jiyana dadmend û azad ji bo me bivênevê ye. Em bang li hemû Kurdan dikin ku di vê pêvajoyê de ku yekîtiya netewî pir girîng e fitneya ku dewleta Tirk a qirker û dagirker dixwze bike nav Kurdan xira bikin. Em careke dî bi bîr dixin liş dijî vê fitneyê û fesadiyê divê têkoşîn were geşkirin û cejna Remezanê li hemû Misilmanên Kurdistanî pîroz dikin.

Bi wesîleya cejnê di serî de gelên Tirk, Ereb, Fars em bang dikin ku hemû gelên Misilman yekîtiya xwe ya demokratîk xurt bikin, bi xwîşk û biratiyê rabin. Di serî dde gelên me yên Misilman ên Rojhilata Navîn em bang li hemû gelan dikin ku bi bîreweriyeke demokratîk û baweriya hevkar li dijî faşîstên dijminê mirovahiyê, mezheban, li dijî ketiyên qers û silaniyê ku dîn bi kar tînin têkoşînê geş bikin, cejna Remezanê li wan pîroz dikin. Em hêvî dikin ku ev cejn aştiyê û xwîşk û biratiyê bîne Rojhilita Navîn.''


Mijarên Din