Kiral Selam: Mudexeleya Tirkiyê ya leşkerî di Sûriyê de zêdegaviyek hovane ye

Kiralê Siûdî Arabistan Selman Bin Ebdulezîz teqez kir ku Siûdî Arabistan êriş û mudexeleya Tirkiyê di Sûriyê de red dike û wê bi `Zêdegaviyek hovane li dijî serdestiya Sûriyê` wesifand.

Kiral Selam di xîtaba xwe de di roja yekemîn de ya dewreya heftan a meclisa el-şûra behsa kar û barên Sûriyê kir û got: "Em careke din helwesta Siûdî Arabistan teqez dikin ku çareseriya siyasî ji bo parastina serdestiya Sûriyê û ewlehiya wê çareseriya tekane ye."

Kiralê siûdî destnîşan kir ku ew tişt piştî derxistina hêzên îranî û milîsên wê ji axa Sûriyê pêkan e.

Her wiha got: "Em careke din teqez dikin ku em mudexeleya Tirkiyê ya leşkerî di Bakur û Rojhilatê Sûriyê de red dikin. Em wê wek zêdegaviyek hovane li dijî serdestî û serxwebûna axa Sûriyê dihesbînin."

Kiralê siûdî xîtaba xwe wiha bi dawî kir: "Em ê alîkariya xwe bi gelê Sûriyê re bi rêya navenda kiral Selman a xêrxwaziyê berdewam bikin."

(şx)


Mijarên Din