Koçberên Efrînê: Zanîna rewşa rêber Apo têrê nake

Şêniyên herêma Efrînê yên ku neçar mane ji ber zilm û zordariya dewleta Tirk a dagirker ji Efrînê koçber bibin û li kantona Şehbayê bicih bibin, gotin “Piştî bûyera şewatê ya li Îmraliyê, zanîna rewşa tenduristiya rêber Abdullah Ocalan têrê nake. Em azadiya wî dixwazin.”

Xwepêşendarên ku tev li çalakiya şermezarkirina tecrîda li ser rêber Abdullah Ocalan  bûbûn, banga bidawîkirina tecrîdê kir. Xwepêşendarên ku tev li çalakiya li gundê Babinis ê girêdayî navçeya Fafînê ya kantona Şehbayê bûbûn, ji ANHA’yê re re axivîn.

Şêniyê bi navê Mihemed Mistefa got: "Em bang li rêxistinên mafên mirovan dikin ku tecrîda li rêber Abdullah Ocalan hatiye ferzkirin bidawî bikin. Ji ber ku ew Rêberê mirovahiyê ye û nameya ji me re şandiye têrê nake. Em azadiya wî dixwazin."

Şêniya bi navê Leyla Elî got: "Wek jinên Efrînê, em ê çalakiyên xwe berdewam bikin heya ku tecrîdê dişkînin. Heya rizgarkirina rêber Abdullah Ocalan ji girtîgeha Îmraliyê em ê li ber xwe bidin."

Şêniyê bi navê Welîd Mistefa got: "Wek koçberên Efrînê ji bo şikandina tecîrda ku li rêber Abdullah Ocalan hatiye ferzkirin em dimeşin. Ji ber Rêber giyana me ye. Em ê dakevin qadan û em hemû fedaîyên wî ne.”

Her wiha şêniyê bi navê Hesen Kurdî jî got: "Em bi nameya rêber Apo ya dawîn şad bûn. Em niha dimeşin da ku tecrîdê bi dawî bikin û wî rizgar bikin."

(şx)

ANHA


Mijarên Din