Komploya li dijî Ocalan li Reqayê hate şermezarkirin

Bi dirûşmeya 'Têkoşîna ji bo azadiya Ocalan, têkoşîna ji bo azadî, aşitî û demokrasiyê ye', Ciwanên Reqayê civînek bi armanca şermezarkirina komploya navdewletê li dijî Ocalan li dar xist.

REQA

Ciwanên Reqayê civîn li hola El-Tac a bajarê Reqayê li dar xistin.

Endam û nûnerên meclisên sivîl ên Reqayê û bi dehan ciwan û şêniyên Reqayê beşdarî civînê bûn.

Civîn bi deqeyek rêzgirtinê dest pê kir. Piştre endamê rêveber ê Ciwanên Reqayê Zana El-Elî ji beşdaran re li ser komploya navdewletî li dijî Ocalan û şêwaza ku hatiye girtin axivî.

Paşê belgefîlmek li ser têkoşîne Abdullah Ocalan hate pêşkeşkirin.

Piştî wê hevserokê Meclisa Ciwanên Reqayê Ehmed El-Salim axivî û got: "Bi saya fikr û felesefeya Ocalan niha em azad in. Dewletan ji ber tirsa xwe ji fikrên wî, tecrîdek giran li ser Ocalan ferz kirin. Em weke ciwan soza şopandina fikr û felsefeya Ocalan didin."

Civîn bi berzkirina dirûşmeyên azadiya Rêberê Gelê Kurd Abdullah Ocalan bi dawî bûn.

(şx)

ANHA


Mijarên Din