Kongreya Civaka Îslama Demokratîk dest pê kir

Bi dirûşma "Zindîkirina peyama Medîneya Munewera ji bo avakirina welatan û parastina mirovan" yekemîn kongreya Civaka Îslama Demokratîk li Bakur û Rojhilatê Sûriyê – Rojava dest pê kir.

Li bajarokê Rimêlan beriya niha bi çend kêliyan bi dirûşma "Zindîkirina peyama Medîneya Munewera ji bo avakirina welatan û parastina mirovan" yekemîn kongreya Civaka Îslama Demokratîk li Navenda Çand û Hunerê ya Aram Tîgran dest pê kir.

300 delege ji herêmên cuda yên Bakur û Rojhilatê Sûriyê her wiha nûnerên Rêveberiya Xweser a Bakur û Rojhilatê Sûriyê ya herêma Cizîrê, saziyên civaka sivîl, rûspiyên êlan û nûnerên partiyên siyasî beşdarî kongreyê bûne.

Kongre bi rêzgirtin û xwendina Quranê dest pê kir.

Kongre dê du rojan dewam bike. Li gorî komîteya amadekar dê axaftin werin kirin, raporên salane û rêzikname werin xwendin, her wiha dê hevserokatiya kongreyê, meclis û komîteyên wê werin hilbijartin.

(bx)

ANHA


Mijarên Din