Kongreya Gaziyên Şer bi girtina biryaran bi dawî bû

Kongreya Gaziyên Şer a Bakur û Rojhilatê Sûriyê ya yekemîn bi avakirina meclisa gaziyan û standina biryaran bi dawî bû.

Kongreya Gaziyên Şer a Bakur û Rojhilatê Sûriyê ku duh destpê kiribû, îro bi dawî bû.

Kongrê li Navenda Çand û Hunerê ya Aram Tîgran a bajarokê Rimêlan bi dirûşmeya "Em parêzvanên welatên xwe ji bîr nekin" û  beşdarbûna 143 delegeyan pêk hat.

Di roja yekemîn a kongreyê de axaftin bi navê Fermandariya Giştî ya QSD, Rêveberiya Xweser, Meclisa Malbatên Şehîdan, Partiya Yekitiya Suryan, Tevgera Civaka Demokratîk (TEV-DEM), Partiya Pêşerojê ya Sûriyê, Meclisa Sûriyeya Demokratîk (MSD) û Kampa Newroz a Penaberan hatin kirin.

Di roja duduyan jî rapora xebatên gaziyên şer a salekê û rêzikname hatin xwendin û nîqaşkirin. Bendên rêziknameyê ji aliyê piraniya delegeyan ve hate erêkirin.

Ji bo hilbijartina meclisa gaziyên şer dengdan pêk hat, di encamê de 39 endam hatin hilbijartin. Komîteya Disîplînê ji 7 endaman pêk tê.

Kongre bi girtina biryaran bi dawî bû.

Biyar ev in:

-Azadiya Rêberê Gelê Kurd Abdullah Ocalan erka sereka ya têkoşîna me ya şoreşgerî ye. -Divê saziya gaziyên şer wekî saziyeke Rêber Ocalan bê dîtin ji ber ku fikr û felsefeya Rêber Ocalan wekî bingeha xebatên xwe yên perwerdeyê û propogendayan de digire.

-Hemû biryarên Kongreya Star û Rêveberiya Xweseriya Demokratîk ên der barê bicihanîna felsefeya Rêbertî û projaya netewa demokratîk de werin pêkanîn.

-Li hemberî hemû hewldanên qirkirina çanda me, exlaqê me, felsefeya netewa demokratîk û civaka azad têkoşîn were kirin.

- Li dijî hemû cûreyên modernîteya kampîtalîzêmê wekî Lîbralîzêm, ezeziyetî, madiyet û milkiyeta taybet têkoşîn were kirin.

- Li dijî rêgezên şaş (Xwespartina tenê li Hêzên Parastina Gel û  Hêzên Parastina Jin, Rêveberiya Xweseriya Demokratîk, keyfiyet, gilî û gazincên domdar ji ber rewşê, şaştiyên dûbare têne kirin, nexweşiyên dirûnî ku têkoşîna me asteng dikin)  xebat were meşandin.

- Li dijî nêzîkatiyên ku kesan ji têkoşînê dûr dixe anî jê têkoşînê parçe dike, xebat were kirin.

-Parastina hemû gaziyan ji hewldanên biçûkxistinê û bê rêzdariyê.

- Parêznameyên Rêbertî bingeha perwerdekirinê ye.

-Ji ber pêwîstiya pêvajoyê divê hemû birîndar beşdarî perwerdeyên îdeolojî bibin.

- Hevalên perwerdeyên xwendin û nivîsandinê nedîtine, li gorî hêza wan dê beşdarî van perwerdeyan bibin da ku hê zêdetir pêşbikevin.

-Ji bingehê pêşxistina pîşeyên birîndaran, derfetên perwerdeyên tenduristî, ziman, ragihandin û teknelojyayê werin vekirin.

-Akademiyên bîrdozî yên (Şehîd Rizgar û Şehîd Deştî Amanos) yên bakurê Firatê û Akademiyia Şehîd Efrîn Efrînê wekî navendên pîşeyan yên navendî bê dîtin û şaxên wan li hemû herêman bê vekirin.

- Pêşxistin û xurtkirina dest û lingên çêker (Sînayî).

-Saziyên Alîkariyê ji bo gaziyan li Ewropayê bên vekirin û ji nû ve avakirina sazûmaniya rêxistinî ya Bakur û Rojhilatê Sûriuyê û herêmên ku hejmara birîndaran lê zêde ne û rêxistinkirina saziyan li ser esasê alîkariyê.

-Bi armanca xurtkirina çalakiyan, divê sazî bîne avakirin û di aliyên hejmar û kalîteyê, teknelojiya, fîza û ragihandin de bêne pêşxistin.

-Girêdayî ragihandinê, belgefîlmek were çêkirin û bîranînên birîndaran bên nîvisandin.

-Xurtkirina têkiliyan bi Saziya Malbatên Şehîdan re.

-Têkildarî gaziyên di qadên şer de şehîd bûne, belge film bên derxistin û li ser wan werin nivîsandin.

-Saziya alîkariyê hemû pêwîstiyên gaziyan bi cih bînin û wan di aliyê tenduristiyê de pêş bixînin û li ser pîşeyan jî wan perwerde bikin.

-Ji bo çareserkirian pirsgirêkên ziyanên şer di aliyê dirûnî, tenduristî û aborî de divê saziyên alîkariyê bên vekirin.

-Têkiliyên bi gaziyên di girtîgehên Tirkiyê de were pêşxistin.

-Nêrîn û şîroveyên Rêbertî yên der barê Saziya Gaziyên Şer divê armanca me ya stratejîk bee û roleke akîtf di rêxistina parastina cewherî de be.

-Hemû gaziyên şer ên li Bakur û Rojhilatê Sûriyê derbasî perwerdeyan bên kirin

- Ji bo azadiya Rêbertî di her qadan de çalakî bê kirin.

ANHA


Mijarên Din