Kongreya Star li Girê Spî dest bi hemleya paqijkirinê kir

Endamên Kongreya Star bi hevkariya Meclisa Kantona Girê Spî dest bi hemleya paqijkirina bajarê Girê Spî kir û hate diyarkirin ku armanc jê ew e ku bala civakê bikişînin ser girîngiya parastina paqijiya bajêr.

Hemle li kolanên sereke ji ber avahiya meclisa kantonê heta Çerxerêya El-Elem pêk hat û tê de endam û rêveberên Kongreya Star, Meclisa Jinan a Sûriyê û endamên Meclisa Kantona Girê Spî beşdar bûn.

Ev hemle jî ji rêzeçalakiyên 19’ê Tîrmehê ya ku Kongreya Star beriya çend rojan bi boneya salvegera 7’emîn a Şoreşa 19’ê Tîrmehê da destpêkirin.

Beşdarên hemleyê anî ziman ku armanca hemleyê ew e ku civakê zana bikin û bale bikêşin ser girîngiya paqijkirina bajêr û ji şêniyan hêvî kir ku parastina paqijiya bajêr bikin.

(fr)

ANHA

 

 

 

 


Mijarên Din