Koordînasyona Meclisa Jinan civîna xwe ya asayî li dar xist

Di civîna asayî ya Koordînasyona Meclisa Jinan a Bakur û Rojhilatê Sûriyê de biryara avakirina du komîteyan hate standin. Yek ji bo nîqaşkirina nêrînên Meclisa Jinan a Bakur û Rojhilatê Sûriyê der barê destura Sûriyeya pêşerojê û mîsogerkirina mafên jinan di destûrê de û ya din jî kêkolînkirina qanûnan jinan e.

Koordînasyona Meclisa Jinan a Bakur û Rojhilatê Sûriyê îro civîna xwe ya asayî bi beşdarbûna hemû endamên koordînasyonê li avahiya têkiliyan a Kongreya Star a bajarê Qamişlo li dar xist.

Civîn bi deqeyeke rêzgirtin dest pê kir. Paşê rewşa siyasî, gefên Tirkiyê yên li ser herêmên Bakur û Rojhilatê Sûriyê, binpêkirinên dermirovî yên li Efrînê hatin nîqaşkirin û bêdengiya civaka navdewletî ya ji van binpêkirinan hate şermezarkirin. Beşdaran diyar kirin ku li hemberî zêdegaviyên dagirkeriya Tirkiyê divê hevgirtineke xurt a gelên herêmê hebe.

Di civînê de her wiha rewşa jinan li herêmên Bakur û Rojhilatê Sûriyê hatin nîqaşkirin û bal hat kişandin ser girîngiya perwerdeyê ji bo jinan û parastina destkeftiyên.

Piştre rewşa rêxistinî ya meclisê hate nirxandin, pêşniyar û plansaziya dema pêş hate dayîn. Ji bernameyên demên pêş ên meclisê li ser asta Bakur û Rojhilatê Sûriyê der barê qanûnên jinan de civîn werin lidarxistin.

Koordînasyonê biryara avakirina du komîteyan hate standin. Yek ji bo nîqaşkirina nêrînên Meclisa Jinan a Bakur û Rojhilatê Sûriyê der barê destura Sûriyeya pêşerojê û mîsogerkirina mafên jinan di destûrê de û ya din jî kêkolînkirina qanûnan jinan e.

di dawiya civînê de jinan teqez kirin ku dê xebata bidomînin heta armancên meclisê pêk bînin. Her wiha teqezî li ser girîngiya destekdayîna jinan û civakî bi meclisê re kirin.

ANHA


Mijarên Din