Kurdistaniyên li Lubnanê şehîdên berxwedana 14’ê Tîrmehê bi bîr anîn

Kurdistaniyên li bajarê Terablusê yê Lubnanê berxwedana 14’ê Tîrmehê di salvegera 37’emîn de û şehîd Diyar Xerîb ê endamê Fermandariya Konseya Giştî ya KCK’ê yê di vê Tîrmehê de bi bombebarana dagirkeriya Tirkiyê şehîd bûbû, bi bîr anî.

Merasîma bîranînê ji hêla Tevgera Civaka Demokratîk (TEV-DEM) ve li herêma kampa El-Bedewî ya bajarê Terablusê bi beşdariya bi dehan kurdistaniyan hat organîzekirin.

Merasîm bi deqeyeke rêzgirtinê dest pê kir. Dûre endama rêveber a TEV-DEM’ê Şervîn Cûdî di destpêka axaftina xwe de şehîd Diyar Xerîb û tevahî şehîdên azadiyê bi bîr xist û wiha anî ziman: "Berxwedana 14’ê Tîrmehê hê jî berdewam e. Dagirkeriya Tirkiyê bi êrîşên xwe li ser Herêmên Parastinê yên Medyayê û Baûrê Kurdistanê hewl dide vîna gelê Kurd têk bibe."

Ji aliyê xwe ve jî nûnerê Rêveberiya Xweser Abdulselam Ehmed got: "Şehîdên 14’ê Tîrmehê rêya têkoşîn û azadiyê da ku mafên gelên bindest bê bidestxistin nexş kir. Êrîşên dagirkeriya Tirk li ser Başûrê Kurdistanê di nava plana berfirehkirina erdnîgarî û pêkanîna berjewendiyên Tirkiyê yên li herêmê ne."

Piştî axaftin bi dawî bûn, dirûşmên silavkirina berxwedan û şehîdan hatin berzdan.

(fr)

ANHA


Mijarên Din