Lavrov: Zêdekirina hêza leşkerî li Rojhilata Navîn dê metirsiyên nû derxe

Sergey Lavrov têkildarî niyeta serokê Amerîkayê Donald Trump a der barê şandina hezar û 500 leşkerên din ji bo Rojhilata Navîn de got "Zêdekirina hêza leşkerî li Rojhilata Navîn dê metirsiyên nû derxe.”

Wezîrê karên derve yê Rûsyayê Sergey Lavrov  îro di civîneke çapemeniyê de li Moskovê got: "Biryara serokê Amerîkayê Donald Trump a şandina hezar û 500 leşkerên din bo herêma Rojhilata Navîn û bakurê Afrîkayê, wekî ku em hemû dizanin hêza leşkerî zêde dike û ev yek jî metirsiyê zêdetir dike."

Serokê Amerîkayê Donald Trump di 24`ê meha Gulanê de ragihandibû ku ji ber bilindbûna asta nerehetiyê bi Îranê re, dê hezar û 500 leşkeran ji Rojhilata Navîn re di çarçoveya tedbîrên parastinê de bişîne.

(eh)


Mijarên Din