Îlham Ehmed îdiayên peymana pevguhertina dîlgirtiyan a QSD`ê û artêşa Tirk derewandin

Îlham Ehmed peymana pevguhartina dîlgirtiyan a di navbera QSD`ê û artêşa Tirk de red kir û piştrast kir ku tu peywendiyên fermî di navbera QSD`ê û artêşa Tirk de tune ne.

Gelek dezgehên çapemeniyê îdiayên peymana pevguhertina dîlgirtiyan a di navbera QSD`ê û artêşa Tirk a dagirker de kirin rojev.

Seroka Desteya Rêveber a Meclisa Sûriya Demokratîk (MSD) Îlham Ehmed îro bi civîneke çapemeniyê ku li Baxçeyê Xwendinê yê Qamişlo bi rê ve çû, têkildarî avakirina komîteya şopandina dosyaya girtiyan û kesên revandî, bersiva pirsên rojnamevanan da.

 Îlham Ehmed wiha got: "Tiştekî bi vî rengî tune ye û tu agahiyên der barê peymana pevguherîna dîlgirtiyan a di navbera QSD`ê û dewleta Tirk de tune ne."

(eh)

ANHA


Mijarên Din