Li Bakur û Rojhilatê Sûriyê yekemîn navenda lêkolînên zimanê kurdî vebû

Li Bakur û Rojhilatê Sûriyê Saziya Zimanê Kurdî yekemîn navenda lêklonên têkildarî zimanê kurdî, komkirina peyvan û amadekariyên ferhengên zimanê kurdî vekir.

Saziya Zimanê Kurdî îro anku di roja 15`ê Gulanê Cejna Zimanê Kurdî de, li ser asta Bakur û Rojhilatê Sûriyê navenda yekemîn a lêkolînên ziman li bajarê Qamişlo vekir.

Vekirina navendê bi beşdariya hevseroka Komîteya Perwerdeyê û Fêrkirinê ya Rêveberiya Xweser a Bakur û Rojhilatê Sûriyê Kewser Doko, şervanên YPG û YPJ`ê, Meclisa Malbatên Şehîdan a Herêma Cizîrê, endamên Saziya Zimanê Kurdî û bi dehan şêniyên bajarê Qamişlo pêk hat.

Dê di navendê de, der barê zimanê kurdî de, yên wekî têkiliya wateya peyvên zimanê kurdî bi xwezayê re, dayik û dîrokê re, her wiha da ku asta zimanê kurdî di aliyên xwendin û nivîsandinê de were xurtkirin, komkirina gotinên ku ji bşr bûne, da ku werin tomarkirin û amadekirina ferhengekê ji bo zimanê kurdî li Bakur û Rojhilatê Sûriyê, lêkolîn dê werin kirin.

Li navendê wêneyên şehîd Agîd Cîlo ku serkêşekî xebatên zimanê kurdî li Bakur û Rojhilatê Sûriyê bû û di meha Sibatê de şehîd bûbû, hate daliqadin.

Di merasîma vekirina navendê de, yek ji endamên beşa lêkolînan di Saziya Zimanê Kurdî (SZK) a li Bakur û Rojhilatê Sûriyê de Gulê Hesen û li ser navê Komîteya Perwerdeya Zimanê Kurdî Menal Mihemd Emîn axivîn.

Axaftvanan bal kişand ser berhemên berdêlên mezin ku şêniyên Bakur û Rojihlatê Sûriyê di oxira azadî û rûmeta xwe dane. Her wiha diyar kirin ku zimanê kurdî giyan e û bêyî zimanê dayikê tu civak nikarin xwe û  nasnameya xwe nas bikin.

Di merasîma vekirinê de, Saziya Zimanê Kurdî spasname ji Meclisa Malbatên  Şehîdan a Herêma Cizîrê û YPG`ê re pêşkêş kirin. 

Di dawiya merasîma de, navend ji aliyê Kefaa Alî ve ku hevsera şehîd Yasir Xanikê ye ku di pêngava rizgarkirina Şedadê de şehîd bûbû, hate vekirin.

(eh)

ANHA


Mijarên Din