Li Dirbêsiyê pakrewanên Berxwedana Rûmetê hatin oxirkirin

Bi sedan şêniyên navçeya Dirbêsiyê cenazeyê 4 şehîdên Berxwedana Rûmetê li goristana Şehîd Rustem Cûdî spartin axê.

Şêniyan cenazeyê  şervanên QSD‘ê Abdullezîz Şêx Xelef (Zagros Cûdî), Ednan Hesen (Mezlûm Qamişlo), Remedan Simo (Zagros Til Temir) û endamê hêzên Ewlekariya Hundirîn Abdullhemîd Silêman ên li Serêkaniyê di Berxwedana Rûmetê de şehîd bûbûn ji ber navaneda Meclisa Malbatên Şehîdan a navçeya Dirbêsiyê wergitin û bi kerwanekî ber bi Goristana Şehîd Rustem Cûdî ya li gundê Berkevirê ve ketin rê.

Li goristanê merasîm bi rêzgirtin destpê kir. Paşê bi navê YPG`ê Mihemed Nebî Kotî axivî, sersaxî ji malbatên şehîdan re xwest û got: "Em  ew gelê ku pîvana berxwedan û têkoşînê ji xwe esas girtiye. Ji ber wê jî em ê heta nefesa xwîna xwe ya dawî li ber xwe bidin."

Paşê wesîqeta şehadetê ji aliyê mamosteya zimanê Kurdî Dilxwaz Xelef ve hat xwendin û radestî malbatên wan hatin kirin.

Malbatên şehîdan soz dan ku ew ê şopadarên rêya şehîdan bin heta hemû herêmên dagirkirî rizgar bikin.

Di dawiyê de cenazeyê her çar şehîdan li Goristana Şehîd Rustem Cûdî hatin veşartin.

(bx)

ANHA


Mijarên Din