Li Dirbêsiyê pêşangeha pirtûkan

Îro pêşangeha pirtûkan a ku Komîteya Perwerdeyê li Meclisa Dirbêsiyê ya kantona Hesekê li dar xistiye, bi pêşandana zêdetirî 2 hezar pirtûkên cur bi cur vebû.

Pêşangeh bi beşdariya bi dehan rewşenbîr û nivîskarên navçeya Dirbêsiyê û ji wê jî zêdetir bi dehan kesên girîngiyê didin pirtûkan, vebû.

Pêşangeha ku li Navenda Çand û Hunerê li dar ketiye, tê de zêdetirî 2 hezar pirtûkên ji mijarên cur bi cur, roman û çîrokên cîhanî yên bi zimanên erebî û kurdî hene.

Pêşangeh dê 3 rojan bidome.

Di vekirina pêşangehê de hevserokê Meclisa Kantona Hesekê Semer Abdullah axivî û îşaret bi girîngiya xwendina pirtûkan di jiyana kesan de û vekirina derfetên girîngiya li ser mijarên cihêreng di avakirina kesayetê de kir.

(fr)

ANHA 


Mijarên Din