Li Dêrazorê 89 kes hatin berdan

Hêzên Ewlekariya Hundirîn a Dêrazorê di çarçoveya serbestberdana girtiyên ku sûcên kuştina gel nekirine de îro bi kefaleta rûspiyên 89 kes serbest berdan.

Ji girtiyên li gel Hêzên Ewlekariya Hundirîn a Dêrazorê ku sûcên kuştina gel nekirine, 89  kes hatin berdan. Girtî li ser daxwaza rûspiyan û bi kefaleta wan bi civînekê hatin berdan.

Şêx û rûspiyên herêmê, nûnerên saziyên sivîl, komîteya têkiliyên giştî yên Meclisa Sivîl a Dêrazorê û fermandarên leşkerî tevlî civînê bûn.

Hevserokê Komîteya Hundirîn a Dêrazorê Basim El-Teyf  got: "Ev bajarê me ye, heger em neparêzin wî kî biparêze."

Hevserokê Meclisa Sivîl a Dêrazorê Xesan El-Yûsif bal kişand ser rola eşîran di destekdayîna bi Rêveberiya Xweser re û ev tişt anî ziman: "Em dixwazin pêvajoyeke nû pêvajoya aramiya destpê bike. Em dixwazin ku destê we di rijandina xwînê de nine, em ê hewd bidin derfetên kar ji we hemûyan re peyda bikin."

Bi navê qebîleya Igêdat, Şêx Cemîl Mehmûd El-Hefel jî wiha got: "Me xwest bi hevkariya Hêzên Ewlekariya Hundirîn kar kir da ku girtî bêne berdan, em ê di demê pêş de 2 hezar û 800 kesên di kampan de vegerînin malên wan."

ANHA


Mijarên Din