Li Dêrikê semînera “Tenduristî çand e”

Meclisa navçeya Dêrikê bi koordîneya Weqfa Jinan, Şaredariya Gel, Heyva Sor a Kurd û Akademiya Tenduristiyê ya Rojava, semînerek der barê girîngiya paqijiyê di parastina civakeke tenduristî de, da.

Bi dehan şêniyên bajarê Dêrikê û hevserokên saziyên civaka sivîl beşdarî semînera “Tenduristî çand e” bûn.

Semîner li Navenda Çand û Hunerê ya Dîjle pêk hat.

Hevserokê Heyva Sor a Kurd Ehmed Şêxmûs, hevserokê Meclisa Dêrikê Sahib Osman, hevseroka Şaredariya Gel a Dêrikê Rojîn Çeto, ji rêveberên Weqfa Jinan Tirkiya Ehmed û endama Akademiya Tenduristiyê ya Rojava de Zendan Yixêt semîner dan.

Kesên semîner dan, der barê kirs û gelaşê de ku ji ber wê nexweşiyên xeternak di nava civakê de çêdibin, axivîn. Di nava axaftinan de, behsa girîngiya hişyarbûna civakê ji bo parastina paqijiya bajar û bajarokan, bi rêya semîneran û serdana gund, bajarok, belavkirina belavokan li gel kirin.

Kesên semîner dan, banga birêxistinkirina hemleyên hişyarbûnê di nav gel û xwendekarên dibistanan de kir da ku giştî bi erka xwe rabin ji bo parastina bajar û gundên xwe.

Piştî semîner bi dawî bû, deriyê nîqaşê li pêşiya beşdaran hate vekirin. Di dawiyê de, sînevîzyonek der barê qirêjbûna bajaran û çawaniya parastina wan de hate pêşandan.

(kc)

ANHA


Mijarên Din