Li Efrînê jinek ciwan dawî li jiyana xwe anî

Li taxa Eşrefiyê ya bajarê Efrînê jineke ciwan ji binpêkirinên domdar ên dagirkeriya Tirk û çeteyên wê yên li dijî sivîlan dawî li jiyana xwe anî.

Li gorî agahiyên çavkaniyên xwecihî ji hundirê Efrînê dane nûçegihanê me ciwana bi navê Arîn Selah Gulo ya 19 salî ji ber binpêkirinên domdar ên dagirkeriya Tirk û çeteyên wî, dawî li jiyana xwe anî. Hate gotin ku Arînê di mala xwe de ya li taxa Eşrefiyê ya bajarê Efrînê werîsekî li sûtiyê xwe gerand û dawî li jiyana xwe anî.

Gelek sivîlên ku dikaribûn ji Efrînê derkevin di hevdîtinên berê bi ANHA`yê re, teqez kirin ku ji ber kiryarên çeteyan ji revandin, kuştin û talankirina mal û milkên şêniyan, rewşa li Efrînê bi tirs e.

(jo)

ANHA


Mijarên Din