Li Girkê Legê Ocaxa Çanda Ciwanên Mezopotamya hate vekirin

Tevgera Ciwanên Şoreşger a Sûriyê li navçeya Girkê Legê Ocaxa Çanda Ciwanên Mezopotamya bi navê Şehîd Serxwebûn vekir.

Di merasîma vekirinê de bi dehan ciwan û şêniyên navçeyê amade bûn. Hola ocaxê bi wêne û alavên kevnar hat xemilandin.

Deriyê ocaxê ji aliyê dayika şehîd Serxwebûn, Radiya Îbrahîm ve hate vekirin.

Dayika şehîd vekirina navendê li gelên têkoşer pîroz kir û hêvî kir ku ev navend bibe minbera çanda ciwanan. Her wiha bang li her kesî kir ku bi welatê xwe ve girêdayî bin û li hemberî dagirkeriya Tirk têbikoşin.

Radiya Îbrahîm got: "Em xeta şehîd Serxwebûn û hevalên wî yên ku ji bo parastina xaka xwe li hemberî dagirkeriya Tirk sekinîne, bişopînin."

Endamê Meclisa Malbatên Şehîdan a navçeya Girkê Legê Qehreman Mihemed bal kişand ser rola ciwanan di civakê de û got: "Ciwan pêşeroja me ne, em ji wan hêvî dikin ku xeta cangoriyên azadiyê bişopînin."

Di dawiyê merasîmê de komeka zarokan çalakiyeke tekwondoyê pêşkêş kirin.

ANHA


Mijarên Din