Li gundekî herêma Şerfedîn a Şengalê teqînek çêbû

Li gundê Qinê yê li herêma Şerfedîn a Şengalê ku di bin kontrola hêzên çekdar ên nêzî PDK’ê de ye, teqîn pêk hat.

Li gorî nûçeya Roj News'ê, ku zanyariyên xwe çavkaniyên herêmê girtine, îşev saet derdora 21.00’an de li gundê Qinê ku 2 kîlometreyan dûrî Mizargeha Şerfedîn e, teqîn pêk hat. Hat ragihandin ku wesayîtek hatiye teqandin, lê tu windahiyên canî çênebûne.

Derbarê teqînê de zanyariyên berfireh nehatin bidestxistin.

Herêma Şerfedîn û gundê Qinê di bin kontrola koma çekdar a bi serkêşiya Qasim Şeşo ye û nêzî PDK’ê ne.


Mijarên Din