Li gundên Reqayê destekdayîna sewalkaran

Saziya Berhemên Çandiniyê û Sewalan a gundê Xatûniyê ya gundewarên rojavayê Reqayê bi armanca destekdayînê hejmartina sewalan didomîne.

Li gundewarên rojavayê Reqayê ji bo fêrbûna hejmara sewalan û destekdayîna ji sewalkaran re Saziya Berhemên Çandiniyê û Sewalan a gundê Xatûniyê dest bi hejmartina sewalan kiribû. Hejmartin ji sedî 90 pêk hatiye û hî jê berdewam e.

Girêdayê saziyê 5 meclis hene; Kedêran, Xanûtniyê, Qehtaniyê, Cezra û Sehlebiyê.

Nûnerê cotkaran ê Saziyê Berhemên Çandiniyê û Sewalan ê gundê Xatûniyê Mûsa El-Heblûş li ser mijarê got: "Em sazî û beyterî diçin gel sewalkaran û bi hevkariya meclisên herêmî û komînan sewalan dihejmêrin."

Li gorî Mûsa El-Heblûş, li herêmê 81 hezar û 857 serî pez, 959 çêlek, 9 hezar û 543 bizin, 150 hesp û 25 hêştir (deve) hene.

Mûsa El-Heblûş diyar kir ku ew serjimariyê radikin Komîteya Çandinî û Avdanê da ku desteka pêwîst ji derman û êm dibin sewalkaran.

ANHA


Mijarên Din