Li Hecînê 74 cenaze hatin rakirin

Komîteya Bijîşkan a Şerî ya girêdayî Meclisa Sivîl a Dêrazorê 74 cenaze li herêmên cuda yên li bajarokê Hecînê ku piraniya wan ên çeteyên DAIŞ’ê ne, rakirin.

Piştî daxwaza şêniyên bajarokê Hecînê, Komîteya Bijîşkanan a Şerî bi koordînakirina  Meclisa bajarokê Hecînê, lez da rakirina cenazeyên di gorên komî yên li zeviyên çandiniyê de. Komîteyê 74 cenaze rakirin û her wiha jî xebata rakirina cenazeyan dê heta bidawîkirina cenazeyan bidome.

Li ser awaya xebatê jî Ehmed Îsa da zanîn ku şêniyên herêmê agahiyên derbarê gorên komî  de didin komîteyê û komîte jî wan cenazeyan radike û li goristanan vedişêre.

Îsa diyar kir ku 3 gorên komî li bajarokê Hecînê hene û nêzî 300 cenazeyên sivîl û yên çeteyên DAIŞ’ê tê de ne.

Komîteya Bijîşkan a Şerî ji nêzî 2 mehan ve bi alavên destpêkê, dest bi rakirina cenazeyan li herêm û gundewarên bajarokê Hecînê kiriye.

(fr)

ANHA

  

 


Mijarên Din