Li herêmên azad gel serdana goristanên şehîdên xwe kir

Li herêmên azad ên wekî Tebqa, Reqa û Dêrazorê, piştî nimêja cejnê, gel berê xwe da goristanên şehîdên xwe.

Li herêmên ku di çend salên dawiyê de ji tarîtiya çeteyên DAIŞ`ê rizgar bûn wekî Tebqa, Reqa û gundewarên Dêrazorê, gel êdî rê û resmên cejna Remezanê bi awayekî azad pêk tîne. Gel piştî nimêja cejnê berê xwe da goristanên şehîdan.

Li bajarê Reqayê, gel berê xwe da Goristana Şehîdan a li gundê Hikûmiyê yê bejahiya bakurê Reqayê û gul li ser gorên şehîdan danîn û şiranî Ii zarokan belav kirin. Li herêma Tebqayê gel berê xwe da Goristana Şehîdan û gul danîn ser gorên wan. Her wiha li Dêrazorê jî, gel berê xwe da Goristana Şehîd Xidir El-Hemadê.

Li goristanên navborî, gel ji aliyê şervanên QSD, Hêzên Ewlehiya Hundirîn û endamên Trafîkê ve hatin pêşwazîkirin.

(kc)

ANHA


Mijarên Din