Li herêmên bê çek di 24 rojan de 209 sivîl hatin kuştin

Ji ber êrîşên hêzên rejîma Sûriyê û Rûsya li herêmên bê çek di 24 rojan de, 209 kes jiyana xwe ji dest dan.

Navenda Çavdêriya Mafê Mirovan a Sûriyê diyar kir ku ji ber topbarana bejahî û esîmanî ya roja Pênşemê 23`ê Gulanê li herêmên bê çek 5 sivîl hatin kuştin. Jinek û mêrek ji ber bombebarana balafirên şer ên rejîmê li ser Kefer Since yê bejahiya başûrê Idlibê, mêrek ji ber bombebarana balafirên şer ên rejîmê li ser bajarokê Hîş ê Idlibê, 2 mêrên din ji ber topbarana hêzên rejîma Sûriyê li ser deverin ji bajarokê Kefernubil, hatin kuştin.

Helîkopteran 45 bermîlên teqemenî li ser bajarok û gundên herêmên bê çek piştî nîvê şevê, berda. 16 bermîl li ser Kefer Nebûda, 14 li ser Hebît, 11 li ser Hereş Qesabiye, 2 bermîl li ser Tirmila û 2 jî li ser Erînbe.

Balafirên rejîmê jî ji saetên vê sibê de 31 carî êrîş kir. 8 caran Kefer Nebûde, 5 caran bajarokê Mereta Herme, 4 caran Hezarîn, Rekaya, Kefer Since, Hîş, Tirmile, Meret Sîn, Cebala, Hereş Meret Naman her yek du caran bombeberan kir. Balafirên Rûsya jî gundê Hezarîn ê bejahiya başûrê Idlibê bombeberan kir. Hêzên rejîma Sûriyê bajarokê Kefernubil ê başûrê Idlibê û herêmin ji Sehil Xab, Cebel Şehşebo û bejahiya bakurê Hemayê bi moşekan êrîş kir.

Ji destpêka şerê li herêmên bê çek ji 30`ê Nîsanê heta îro 23`ê Gulanê 209 sivîl ji wan 39 zarok, 42 jin ku ji aliyê balafirên rejîm û Rûsya her wiha ji ber topbaran û êrîşên bejahî, hatin kuştin.

(bx)


Mijarên Din

Li Raî teqîn