Li herêmên Rêveberiya Xweser ji bo aktîvkirina tûrîzmê gavên piratikî

Desteya Çandê hewl dide cihên tûrîzimê yên li herêmên Bakur û Rojhilatê Sûriyê aktîf bikin. Desteyê gavên piratîkî di vê çarçoveyê de pêk avêt û li benda derxistina qanûna ku forma qanûnî ji bo karê aliyê seyahê rêxistin dike, ye.

Li herêmên Bakur û Rojhilatê Sûriyê gelekî cihên tûrîzimî û şûnwarî hene. Her wiha xwezaya wê ya xweşik û cur be cur bala mirov dikişîne.

Lê ev 8 sale ji ber aloziya li Sûriyê bi giştî û herêmên Bakur û Rojhilatê Sûriyê taybet, kesên ji derve tên serdana cihên şûnwar û tûrîzim nekirine.

Bi destpêka avakirina desteyên Rêveberiya Xweser di destpêka meha Cotmeha sala çûyî, gerînendeya tûrîzimê di Desteya Çandê de hate diyarkirin. Erka wê aktîf û teşwîqkirina tûrîzm li herêmên Rêveberiya Xweser e.

Gerînendeya tûrîzimê plana karê 5 salan danî. Ew jî ji belgekirina cihên seyahî bike, buroyên tûrîzimê li hundir vebike û paşê ji bo teşwîqkirina tûrîzimê buroyan li derve vebike.

Her wiha gerînendeyê amadekariya xwe ji bo destpêkirina hemleya "Bakur û Rojhilatê Sûriyê tecrûbeya ku ji bîr nabe" bidawî kir. Da ku rola xwe ya pêşeng li herêmê bigre û dest bi kar ser wê bike.

Derbarê mijarê de, cîgirê Heserokê Desteya Çandê û berpirsê ser gerînendeya tûrîzmê Salih El-Necim wiha got: "Em li benda erêkirina rêziknameya hundirîn ku forma qanûnî rêxistin dike, ne.” Salih diyar kir ku wan dest bi gavên piratîkî ji bo jinûva tûrîzmê mîna berê bikin, kirine.

(jo/bm)

ANHA


Mijarên Din